Почнувајќи од 1977 година и првиот мундијал
во Романија, досега се одржани 13 светски првенства во ракомет
за јуниорки. Франција е единствената земја што двапати била
домаќин (1983 и 1991), а првенствата досега беа распоредени
на пет континенти - во Европа седум, во Азија и во Африка
по две и во Северна и во Јужна Америка по едно.
Пет земји ја понесувале титулата светски шампион (СССР, Русија,
Романија, Данска и СФРЈ), а вкупно 14 освоиле еден или повеќе
медали. Најуспешен е поранешниот Советски сојуз со седум титули
едноподруго во периодот од 1979 до 1991 година, а на првото
СП се закити со сребрениот медал. Данска е единствена со учество
на сите 13 мундијали, а со само две отсуства Кина и Јапонија
го делат второто место на таа листа.
На последното СП 2001 во Унгарија златниот медал го освои
Русија, сребрениот домаќинот, а бронзениот Германија. |
